Verkefni

Svefnskálar á öryggissvæði Keflavíkurflugvallar

  • Verkkaupi: Utanríkisráðuneytið
  • Staða: Í verklegri framkvæmd
  • Verkefnisnúmer: 606 1038
  • Verkefnastjóri: Guðmundur Möller
  • Stærð mannvirkis: 1000 fm.
  • Tímaáætlun: 2021
  • Áætlaður kostnaður: 473 milljónir

Áframhaldandi uppbygging svefnaðstöðu á öryggissvæði Keflavíkurflugvalllar,  

Landhelgisgæslan annast daglegan rekstur öryggissvæðanna í umboði utanríkisráðuneytis. Verkefnið felst í byggingu tveggja svefnskála með samtals 50 svefnplássum ásamt stoðrýmum.

Skálarnir verða staðsettir samkvæmt deiliskipulagsskilmálum fyrir reiti nr. 9 og 11 við Þjóðbraut á Keflavíkurflugvelli. Svefnskálarnir verða í daglegum rekstri Landhelgisgæslunnar. Þetta verkefni snýr að svefnskála á reit 9. 

Svefnskálarnir eru ætlaðir erlendum liðsafla sem dvelur tímabundið á Íslandi. Þeir eru brýn viðbót við skála sem þegar eru á öryggissvæðinu. Til stendur að fjölga svefnplássum í 300 talsins fram til ársins 2024. 

Fyrirhugað er að í framhaldi þessa svefnskála verði farið í annan svamsvarandi skála.

Útboð

Alútboð vegna svefnskálanna var auglýst í maí 2020. Alútboðsgögn voru afhent 3. júní, en skilafrestur tilboða rann út 18. september. Fjórir verktakar voru valdir til þátttöku í alútboðinu og bárust tilboð frá þeim öllum, það lægsta frá Alverki ehf. Var tilboði fyrirtækisins tekið og samningur þar að lútandi undirritaður í október 2020.

Tímarammi

Áætlað er að svefnskálarnir verði teknir í notkun í desember 2021.