Verkefni

Varðveislu- og rannsóknasetur Þjóðminjasafns Íslands

  • Verkkaupi: Mennta- og menningarmálaráðuneytið
  • Staða: Öflun húsnæðis
  • Verkefnisnúmer: 633 0077
  • Verkefnastjóri: Ármann Óskar Sigurðsson
  • Stærð mannvirkis: Húsið, allt húsið: 4.270 m²
  • Tímaáætlun: Afhending húsnæðis: Fyrsti hluti í ágúst 2016, annar hluti 2017.

Um verkefnið

Í nýju leiguhúsnæði fyrir varðveislu- og rannsóknasetur Þjóðminjasafns Íslands eru öryggisgeymslur fyrir stóran hluta safnkosts Þjóðminjasafns auk aðstöðu fyrir starfsmenn, sérfræðinga, fræðimenn og nemendur. Fullkomin hita- og rakastýring er í öryggisgeymslum svo tryggja megi varðveislu viðkvæms safnskosts. Í húsnæðinu eru einnig rannsóknarstofur, forvörsluverkstæði og aðstaða til undirbúnings sýninga. Þá er kennsluaðstaða í húsinu en Þjóðminjasafn Íslands er háskólastofnun sem felur í sér mikilvægt hlutverk gagnvart rannsóknaraðilum og námsmönnum. Safnkosti Þjóðminjasafns Íslands verður komið fyrir í fullbúnu húsnæði í áföngum á næstu tveimur árum, en hluti safnkosts hefur til þess verið geymdur við bráðabirgðaaðstæður á Seltjarnarnesi, í Reykjavík og Kópavogi. Hluti safnkostsins verður áfram varðveittur í húsnæði safnsins í Kópavogi þar sem Ljósmyndasafn Íslands í Þjóðminjasafni verður áfram til húsa. Lokið var við innkaup á lausum búnaði og öryggiskerfum fyrir húsið árið 2017. 

Verkkaupi er Þjóðminjasafn Íslands.