Verkefni

Húsnæði fyrir hælisleitendur

  • Verkkaupi: Stofnanir
  • Staða: Öflun húsnæðis
  • Verkefnisnúmer: 633 0097
  • Verkefnastjóri: Róbert Jónsson
  • Tímaáætlun: Verklok voru í júlí 2015

Um verkefnið

Verkefnið fólst í að aðstoða Útlendingastofnun við leit að húsnæði fyrir hælisleitendur. Verkbeiðni barst frá Útlendingastofnun í maí 2015. Verkefnið var unnið í samráði við innanríkisráðuneyti (nú dómsmálaráðuneyti) og fjármála- og efnahagsráðuneyti. Auglýst var eftir húsnæði í apríl 2015. Óskað var eftir um 500 mhúsnæði til leigu í 12 mánuði með möguleika á framlengingu til 12 mánaða. Fimm tilboð bárust. Samþykkt var að ganga til samninga við Karl Mikla ehf. um leigu á 530 m2 húsnæði við Grensásveg 12 í Reykjavík. Skrifað var undir leigusamning í júlí 2015. Húsnæðið var nánast fokhelt í upphafi verks. Það þurfti því að framkvæma talsverðar framkvæmdir á húsnæðinu áður en það var afhent tilbúið til notkunar í nóvember 2015. Ákveðið var að taka jafnframt annað húsnæði á leigu sem hafði verið boðið til leigu. Var það húsnæði við Bæjarhraun 16 í Hafnarfirði. Húsnæðið var 995 m2 að stærð og var skrifað undir leigusamning í júní 2015. Talsverðar umbætur voru gerðar á húsnæðinu og var það tilbúið til notkunar í júlí 2015. 

Niðurstaða verkefnis var sú að tekið var á leigu tvö hús fyrir hælisleitendur, annað við Grensásveg 12 og hitt við Bæjarhraun 16 í Hafnarfirði. 

Verkkaupi var Útlendingastofnun.

Nánari upplýsingar veitir verkefnastjóri.

Skilablað

Skilablað um húsnæði fyrir hælisleitendur var unnið samkvæmt lögum um skipan opinberra framkvæmda. Skilamatið og öll útgefin skilamöt/skilagreinar/skilablöð má finna á vef FSR undir Útgefið efni.