29. janúar

Útboðsþing Samtaka iðnaðarins var vel sótt

  • Útboðsþing Samtaka iðnaðarins 2018
    Guðrún Ingvarsdóttir, nýskipaður forstjóri FSR, fór yfir áætlaðar verkframkvæmdir ríkisins 2018 á útboðsþinginu.

Fulltrúar 10 opinberra aðila kynntu fyrirhugaðar verklegar framkvæmdir á árlegu útboðsþingi Samtaka iðnaðarins. 

Guðrún Ingvarsdóttir, nýskipaður forstjóri FSR, fór yfir áætlaðar verkframkvæmdir ríkisins á Útboðsþingi Samtaka iðnaðarins sem fram fór á Grand Hótel Reykjavík föstudaginn 26. janúar síðastliðinn. Samtals eru áætluð útboð á árinu 2018 á vegum ríkisins 12,9 milljarðar króna. Sú upphæð var 11,3 milljarðar króna árið 2017. Útboðsþingið var vel sótt en þátttakendur voru hátt í 200.

Heildarupphæðir fyrirhugaðra framkvæmda annarra opinberra aðila sem kynntar voru á þinginu eru:

  • Reykjavíkurborg 18 milljarðar króna
  • OR Veitur 6,9 milljarðar króna
  • Orka náttúrunnar 4,3 milljarðar króna
  • Landsvirkjun 8,6 milljarðar króna
  • Landsnet 9 milljarðar króna
  • Faxaflóahafnir 2,1 milljarðar króna
  • Kópavogsbær 3,7 milljarðar króna
  • ISAVIA 2,5 milljarðar króna
  • Vegagerðin 11 milljarðar króna