14. mars

Uppsteypu Húss íslenskunnar er lokið

Hornsteinn lagður að húsinu í apríl

  • Innigarður Húss íslenskunnar
    Innigarður Húss íslenskunnar er að taka á sig mynd.

Framkvæmdir við Hús íslenskunnar fóru af stað 30. ágúst 2019, er menntamálaráðherra undirritaði verksamning við ÍSTAK um byggingu hússins.

Framkvæmdir hafa gengið vel og eru á undan áætlun. Uppsteypu hússins lauk fyrir skömmu og er lokun hússins á lokametrunum. Framundan er lagnavinna og bygging innviða hússins.

Framkvæmdir við Hús íslenskunnar fóru af stað 30. ágúst 2019, er menntamálaráðherra undirritaði verksamning við ÍSTAK um byggingu hússins.

Framkvæmdir hafa gengið vel og eru á undan áætlun. Uppsteypu hússins lauk fyrir skömmu og er lokun hússins á lokametrunum. Framundan er lagnavinna og bygging innviða hússins.

Um 50 starfsmenn hafa að jafnaði verið á svæðinu frá upphafi framkvæmda, en nú mun þeim fjölga umtalsvert, enda í mörg horn að líta í þessari sporöskjulöguðu byggingu sem er bæði stór og tæknilega flókin.

Hjarta hússins verður sérhönnuð handritageymsla í kjallara hússins, þar sem gætt verður að öryggi skinnhandrita í umsjá Árnastofnunar. Stofnunin mun deila húsinu með Háskóla Íslands og mun kennsla og rannsóknir í íslenskum fræðum flytjast í húsið.

21. apríl næstkomandi verða 50 ár liðin frá komu fyrstu handritanna til Íslands. Við það tækifæri verður hornsteinn lagður að húsinu. FSR og ÍSTAK áætla að húsið verði afhent eigendum sínum í ágúst 2022. 

Í meðfylgjandi myndbandi má sjá hvernig framkvæmdum miðar og sjást þar meðal annars í fyrsta skipti myndir innan úr húsinu.