2. janúar

Hvaða steinsteypta mannvirki verður mannvirki ársins árið 2019?

  • Steinsteypuverdlaun-2019

Steinsteypufélag Íslands óskar eftir tilnefningum til Steinsteypuverðlaunanna 2019 til 20. janúar næstkomandi.

Stjórn Steinsteypufélags Íslands hefur ákveðið að velja steinsteypt mannvirki ársins árið 2019. Veitt verður viðurkenning fyrir mannvirki á Íslandi þar sem saman fer áhugaverð og vönduð notkun á steinsteypu í manngerðu umhverfi. Viðurkenningin verður afhend á Steinsteypudeginum 15. febrúar 2019. Tekið er við tilnefningum til 20. janúar 2019 og óskað eftir að þær verði sendar á netfangið steinsteypufelag@steinsteypufelag.is

Á vefsíðu Steinsteypufélagsins kemur fram að við valið verði haft að leiðarljósi að mannvirkið:

  • Sýni steinsteypu á áberandi hátt.
  • Sé framúrskarandi vegna arkitektúrs, verkfræðilegra lausna, gæði steinsteypu og handverks.
  • Búi yfir frumleika og endurspegli þekkingu í meðferð og notkun steinsteypu. Gæði og áferð steinsteypu vega þungt í mati.
  • Auðgi umhverfið, inniberi gæði, glæsileik og nytsemi og sýni augljósan metnað í samhengi við umhverfi sitt.
  • Sé byggt á síðustu fimm árum og sé í notkun.
  • Viðurkenningin verður veitt mannvirkinu og þeim aðilum sem að því standa, svo sem verkkaupa, hönnuðum og framkvæmdaaðilum. 
Leitað er eftir ábendingum frá verk-, tækni- og byggingafræðingum, arkitektum, listamönnum og iðnaðarmönnum og frá skipulags- og bygginganefndum.

Óskað er eftir því að ábendingar berist félaginu fyrir 20. janúar 2018. Þeim fylgi eftirtalin gögn og upplýsingar:

  • heiti mannvirkis, staðsetning og eigandi
  • verkkaupi
  • hönnunarteymi
  • framkvæmdaaðili og framkvæmdaár
  • hvenær tekið í notkun
  • stutt lýsing á mannvirki, kennistærðir og hlutverk steinsteypu
  • ljósmyndir og, ef vill, myndbönd (teikningar óþarfar)