28. september

Vistæni bygginga frá vöggu til grafar

  • Sigurgeir-sigurjonsson_skriduklaustur-4
    Snæfellsstofa, Vatnajökulsþjóðgarði. Ljósmynd: Sigurgeir Sigurjónsson.
  • Vigfus-Birgisson--2-
    Veröld, hús Vigdísar. Ljósmynd: Vigfús Birgisson.
  • Gestastofa Vatnajökulsþjóðgarðs, Kirkjubæjarklaustri
    Gestastofa Vatnajökulsþjóðgarðs, Kirkjubæjarklaustri. Mynd: Arkís arkitektar ehf.
  • Hjukrunarheimili-Arborg
    Hjúkrunarheimilið Árborg. Mynd: Urban arkitektar ehf. og LOOP architects aps.
  • Fholmsh
    Fangelsið á Hólmsheiði. Ljósmynd: Karl Petersson.
  • Ný skrifstofubygging fyrir Alþingi.
    Ný skrifstofubygging fyrir Alþingi. Mynd: Studio Granda arkitektar.
  • Sjukrahotel-hringbraut
    Sjúkrahótel við Hringbraut. Mynd: Gláma/Kím Arkitektar.
  • Snaefellsstofa-vatnajokulsthjodgardi
    Snæfellsstofa, Vatnajökulsþjóðgarði.
  • Thingv.hakid_1538144862197
    Stækkuð gestastofa á Hakinu á Þingvöllum. Ljósmynd: Olga Árnadóttir
  • Fmos_1538144612213
    Framhaldsskólinn í Mosfellsbæ. Mynd: a2f arkitektar.

FSR styðst við breska vistvottunarkerfið BREEAM í stærstu verkefnum stofnunarinnar. Vottunarkerfið stuðlar meðal annars að þverfaglegu samtali aðila í byggingariðnaði.

Framkvæmdasýslan er leiðandi afl á sviði opinberra framkvæmda hvað varðar umhverfismál. Stofnunin leggur mikið upp úr því að sýna fordæmi, vera fyrirmynd og tryggja gæði og fagmennsku í opinberum framkvæmdum. FSR styðst við breska vistvottunarkerfið BREEAM í stærstu verkefnum stofnunarinnar. 

Markmiðið með kerfinu er að draga úr neikvæðum umhverfisáhrifum yfir líftíma bygginga með því að stuðla að umhverfisvænni hönnun og heilsusamlegra umhverfi fyrir notendur. Kerfinu er einnig ætlað að minnka rekstrarkostnað, hvetja markaðinn til að finna nýjar og umhverfisvænni lausnir og bjóða upp á viðurkenndan umhverfisstimpil fyrir byggingar.

Vottunarkerfið tekur til alls ferils framkvæmdar frá efnistöku til niðurrifs. Kerfið hefur þannig áhrif á alla þá fagaðila sem koma að framkvæmd og kallar á þverfaglegt samtal allra sem koma að verkefninu.

Kerfið byggir á 10 umhverfisáhrifaflokkum. Sjálfbært gildi byggingar er metið út frá þessum flokkum sem spanna ólíkar hliðar byggingarframkvæmda. Undir hverjum flokki eru settar fram ákveðnar kröfur.

Umhverfisáhrifaflokkarnir eru eftirfarandi:Umhverfisflokkar
Meðfylgjandi eru myndir af helstu BREEAM vottuðum byggingum eða í vottunarferli á vegum FSR.