15. október

Fyrsta skóflustungan að nýjum meðferðarkjarna

  • Skoflustunga
  • Skoflustunga2

Fyrsta skóflustungan að stærstu byggingu nýs Landspítala við Hringbraut var tekin um helgina. 

Ráðherrar, fulltrúar félaga-, hagsmunasamtaka og stofnana tóku fyrstu skóflustungu nýs meðferðarkjarna laugardaginn 13. október 2018. Meðferðarkjarninn tengist öðrum starfseiningum Landspítala með tengigöngum og tengibrúm. Hann verður á sex hæðum, auk tveggja hæða kjallara. 

Meðferðarkjarninn er stærsta byggingin í Hringbrautarverkefninu svokallaða og gegnir lykilhlutverki í starfseminni. Í meðferðarkjarnanum verður bráðamóttaka, myndgreining, skurðstofur, gjörgæsla og legudeildir. Áætlað er að meðferðarkjarninn verði tekinn í notkun árið 2024.

Corpus 3 teymið sá um hönnun en í því teymi eru Hornsteinar arkitektar, Basalt arkitektar, LOTA verkfræðistofa, VSÓ Ráðgjöf, TRIVIUM ráðgjöf, NIRAS, De Jong Gortmaker Algra, Buro Happold engineering, Reinertsen og Asplan Viak.


FSR hefur umsjón og eftirlit með verklegu framkvæmdinni.