5. mars

FSR hefur lokið skrefi tvö af fimm í Grænum skrefum í ríkisrekstri

  • Graen-skref-2
    Guðrún Ingvarsdóttir, forstjóri FSR, og Hólmfríður Þorsteinsdóttir, sérfræðingur hjá Umhverfisstofnun, með viðurkenningu á skrefi 2 í Grænum skrefum í ríkisrekstri.

Hólmfríður Þorsteinsdóttir, sérfræðingur hjá Umhverfisstofnun, afhenti FSR viðurkenningu í dag fyrir að hafa lokið skrefi tvö í verkefninu Græn skref í ríkisrekstri. 

FSR skráði sig til leiks í verkefnið Græn skref í ríkisrekstri fyrir rúmu ári og var að ljúka við skref tvö af fimm í dag. Græn skref í ríkisrekstri snúast um að efla vistvænan rekstur ríkisins með kerfisbundnum hætti. 

Markmið verkefnisins er að:

  • Gera starfsemi ríkisins umhverfisvænni
  • Auka vellíðan starfsmanna og bæta starfsumhverfi þeirra
  • Draga úr rekstrarkostnaði
  • Innleiða áherslur í umhverfismálum sem þegar hafa verið samþykktar
  • Gera aðgerðir stofnana í umhverfismálum sýnilegar

Þær aðgerðir sem Grænu skrefin ná til snerta sex þætti sem hafa áhrif á umhverfið. Flokkar grænna skrefa eru:

Flokkar-graenna-skrefa_1551796036871

Sem stendur taka 65 ríkisstofnanir þátt í verkefninu og sífellt fleiri bætast í hópinn. 

Nánar má kynna sér verkefnið Græn skref í ríkisrekstri hér.