2. maí

Ert þú skapandi?

Framkvæmdsýsla ríkisins leitar  að öflugum verkefnastjórum.

Hlutverk Framkvæmdasýslu ríkisins, FSR, er að vera leiðandi afl á sviði opinberra framkvæmda með það að markmiði að bæta verklag og auka skilvirkni, hagkvæmni og gæði við framkvæmdir ríkisins.  

Stofnunin starfar í krefjandi umhverfi og er hæft starfsfólk grunnstoð hennar.  Lögð er áhersla á að starfsfólk sýni frumkvæði, fagmennsku og þjónustulund.  Lagt er upp úr því að starfsmenn njóti sín í starfi og hafi möguleika á að auka þekkingu sína og reynslu með markvissum hætti.  FSR er í fararbroddi við að innleiða  vistvænar vinnuaðferðir og upplýsingalíkön mannvirkja (BIM) í byggingariðnaði á Íslandi.  FSR vinnur samkvæmt vottuðu gæðastjórnunarkerfi ISO 9001 og er stöðugt unnið að því að auka gæði í starfsemi stofnunarinnar.

FSR sækist eftir faglegu og metnaðarfullu starfsfólki sem vill takast á við krefjandi og skapandi verkefni á jákvæðan og faglegan hátt.


Verkefnastjóri í verklegum framkvæmdum - Verk- eða tæknifræðingur

Verkefnastjóri við undirbúning framkvæmda - Arkitekt eða byggingafræðingur

Verkefnastjóri í umhverfismálum

Umsóknarfrestur er til 18. maí næstkomandi. Umsækjendur eru vinsamlegast beðnir um að sækja um starfið á heimasíðu Capacent Ráðninga, www.capacent.is