17. september : FR stýrir stórfelldum endurbótum og uppbyggingu á Litla-Hrauni

Dómsmálaráðherra og fangelsismálastjóri kynntu stórfelldar endurbætur og uppbyggingu á Litla-Hrauni á blaðamannafundi í Hegningarhúsinu í morgun. Farin verður svokölluð samstarfsleið í framkvæmdunum.

23. ágúst : Hjúkrunarheimili á Húsavík - Jarðvinna boðin út

Jarðvinna vegna byggingar 60 rýma hjúkrunarheimilis á Húsavík er nú í útboðsferli. Ætlunin er að heimilið opni árið 2024

16. ágúst : Fornleifagröftur við norðanverðan Seyðisfjörð varpar ljósi á skriðuföll liðinna alda

Í aðdraganda framkvæmda við varnargarða í norðanverðum Seyðisfirði hefur staðið yfir viðamikil rannsókn á fornleifum á svæði sem fer undir garðana. Uppgötvanir fornleifafræðinga varpa ljósi á þúsund ára búsetu undir fjallinu Bjólfi, sem ekki hefur alltaf verið sældin ein. Framkvæmdir við garðana hefjast nú síðsumars.

21. júní : FSR stígur græn skref og hjólar inn í kolefnishlutlausa framtíð

Markviss vinna FSR að grænu skrefunum skilar sér í hjólavottun og staðfestingu Umhverfisstofunar á að græn skref hafi verið stigin.

11. júní : Samningur um húsnæði fyrir Skattinn og Fjársýsluna undirritaður hjá FSR

Samningur um leigu á 11.705 fermetra skrifstofuhúsnæði í Katrínartúni 6 var undirritaður hjá FSR miðvikudaginn 9. júní sl. Aðilar samningsins eru Ríkiseignir fyrir hönd fjármálaráðuneytis og Íþaka fasteignir. 

10. júní : Þjóðskjalasafn fær aukið geymslupláss

Þjóðskjalasafn fær í ágúst til afnota 1.370 fermetra geymsluhúsnæði þar sem prentsmiðjan Oddi var áður til húsa. Til stendur að bæta úr brýnni húsnæðisþörf safnsins á næstu árum.

28. maí : Fjórir nýsköpunarvísar FSR kynntir í nýsköpunarviku

Guðrún Ingvarsdóttir forstjóri FSR kynnti fjóra nýsköpunarvísa stofnunarinnar á ráðstefnu HMS, Byggingarvettvangsins, SI og Verkís í Nýsköpunarviku. 

10. maí : Auga Ólafar Nordal vígt í MH

Listaverk Ólafar Nordal, "Brunnur"var vígt við fallega athöfn í Menntaskólanum við Hamrahlíð í síðustu viku.

Hús íslenskunnar hornsteinn

21. apríl : Forseti og menntamálaráðherra lögðu hornstein að Húsi íslenskunnar

Hornsteinn var lagður að Húsi íslenskunnar í dag, síðasta vetrardag. 

22. mars : Bygging gestastofu á Klaustri boðin út

Bygging 765 fermetra gestastofu Vatnajökulsþjóðgarðs hefur verið boðin út í samstarfi FSR og Ríkiskaupa.

Innigarður Húss íslenskunnar

14. mars : Uppsteypu Húss íslenskunnar er lokið

Framkvæmdir við Hús íslenskunnar fóru af stað 30. ágúst 2019, er menntamálaráðherra undirritaði verksamning við ÍSTAK um byggingu hússins.

Framkvæmdir hafa gengið vel og eru á undan áætlun. Uppsteypu hússins lauk fyrir skömmu og er lokun hússins á lokametrunum. Framundan er lagnavinna og bygging innviða hússins.

26. febrúar : FSR sigraði Lífshlaupið

Lífshlaupinu 2021 lauk um hádegi 25. febrúar. Niðurstaðan í keppni fyrirtækja með starfsfólk á bilinu 30-69 varð sú að FSR sigraði. 

27. janúar : 42 starfa þar sem 18 störfuðu áður

Guðrún Ingvarsdóttir, forstjóri FSR fjallaði meðal annars um verkefnamiðað vinnuumhverfi og fjarvinnu á nýsköpunardegi hins opinbera, sem haldinn var í vikunni. Í erindi hennar kom meðal annars fram að starfsfólk FSR hafi gert róttækar breytingar á  vinnuumhverfi sínu undanfarið, enda starfsfólki fjölgað úr 18 í 42 á þremur árum. 

20. janúar : Ný stefna og viðmið um skrifstofuhúsnæði komin út

Fjármála- og efnahagsráðuneytið (FJR) hefur gefið út stefnuskjal með áherslum og viðmið fyrir húsnæðismál stofnana. Meðal meginmarkmiða stefnunnar er hagkvæm og markviss húsnæðisnýting og fjölbreytt og sveigjanlegt vinnuumhverfi sem styðji við teymisvinnu og samstarf. 

19. janúar : Hvernig eru skrifstofur að breytast?

Guðrún Ingvarsdóttir, forstjóri FSR heldur erindi á nýsköpunardegi hins opinbera 21. janúar næstkomandi. Erindi hennar fjallar um hvernig Covid 19 flýtir þeirri þróun skrifstofuhúsnæðis sem var hafin þegar faraldurinn skall á. Hægt er að skrá sig til leiks hér