Skrifstofuhúsnæði óskast fyrir Úrskurðarnefnd velferðarmála

Ríkiskaup f.h. ríkissjóðs óska eftir að taka á leigu skrifstofuhúsnæði fyrir Úrskurðarnefnd velferðarmála. Umsjónaraðili er Framkvæmdasýsla ríkisins.

Miðað er við að húsnæðið verði tekið á langtímaleigu til 10 ára fullbúið til notkunar, án lauss búnaðar. Gerð er krafa um góða staðsetningu á höfuðborgarsvæðinu í nálægð við helstu stofnbrautir og almenningssamgöngur, gott aðgengi og næg bílastæði. Húsrýmisþörf stofnunarinnar er áætluð um  280 fermetrar og er um að ræða hefðbundið skrifstofuhúsnæði.  

Frekari upplýsingar um þær kröfur sem húsnæðið verður að uppfylla verða aðgengilegar á heimasíðu Ríkiskaupa www.rikiskaup.is  þriðjudaginn, 4.október  2016.

Við mat á hagkvæmni tilboða verður m.a. tekið tillit til leiguverðs, stærð húss og skipulag þess út frá fyrirhugaðri starfsemi, afhendingatíma, staðsetningu, aðkomu og bílastæðum.

Fyrirspurnir varðandi verkefni 20432  skulu sendar á netfangið utbod@rikiskaup.is og verða svör birt á vef Ríkiskaupa.

Fyrirspurnarfrestur rennur út 11. október 2016 en svarfrestur er til og með 13. október 2016. Leigutilboðum þar sem fram kemur stærð, ástand og staðsetning húsnæðis, ásamt leiguverði, skal skila til Ríkiskaupa, Borgartúni 7C, 105 Reykjavík, eigi síðar en kl. 12:00 miðvikudaginn 19. október 2016.

Merkja skal tilboðin: 20432 – Leiga á húsnæði fyrir Úrskurðarnefnd velferðarmála.

Leiga á grundvelli þessarar auglýsingar er undanskilin lögum um opinber innkaup nr. 84/2007, sbr.  a. lið 1. mgr. 6a. gr.

Gögn sem fylgja skulu tilboði þurfa m.a. að innihalda eftirfarandi upplýsingar:

  • Afhendingartíma húsnæðis
  • Staðsetningu, stærð húsnæðis og tillöguteikningar
  • Fjölda bílastæða, aðkomu að lóð og byggingu,
  • Leiguverð per/m2 og heildarleiguverð
  • Húsgjöld
  • Gildandi deiliskipulag svæðis þ.e. lóðar og aðlægra lóða
  • Tilvísun í gildandi aðalskipulag
  • Önnur atriði eftir tegund verkefnis

Númer: 20432

Fyrirspurnarfrestur: 11.10.2016

Skilafrestur: 19.10.2016