Alþingi – nýbygging – Uppsteypa og fullnaðarfrágangur

FSR, fyrir hönd Alþingis, kynnir opið útboð vegna framkvæmda við jarðvinnu, uppsteypu og fullnaðar- og lóðarfrágangs nýs skrifstofu- og þjónustuhúss Alþingis. Hönnun þess byggir á samkeppnistillögu Studio Granda sem hlaut 1. verðlaun í samkeppni um hönnun hússins. Aðilar hönnunarteymis eru Studio Granda og EFLA.

Byggingin verður skrifstofu og þjónustuhús Alþingis og mun standa við horn Tjarnargötu og Vonarstræti. Fyrirhuguð nýbygging (grunnhús á 4 hæðum ásamt 5. hæð og kjallara) er um 6.362 m2 að stærð og þar af er bílakjallari um 1.300 m2.

Útboðsgögn verða aðgengileg í rafrænu útboðskerfi Ríkiskaupa TendSign frá 1. júlí 2020.

Tilboði ásamt fylgiblöðum skal skila rafrænt inn á TendSign útboðsvef Ríkiskaupa eigi síðar en 20. ágúst 2020, fyrir klukkan 12.00.

Útboðsnúmer: 21230

Opnun tilboða: 20.8.2020