Stuðlaháls 2, Reykjavík – Stækkun dreifingarmiðstöðvar

Útboð nr. 20677

Framkvæmdasýsla ríkisins, fyrir hönd Áfengis- og tóbaksverslunar ríkisins, óskar eftir tilboðum í framkvæmdir við að reisa viðbyggingu við norðurhlið núverandi vöruhúss 2. Viðbyggingin er stálgrindarhús byggt utan á núverandi vöruhús 2. Útveggir eru gerðir úr timburásum, klæddir að utan með OSB krossviði og stálklæðningu og að innan með krossviði. Þak er byggt úr samlokueiningum klætt með þakpappa. Gólfplata er með einangrun  og er vélslípuð. Frárennslislagnir í grunni og utan sökkuls eru utan útboðs en gröftur fyrir lögnum og fylling fylgir jarðvinnu í útboði. Helstu verkþættir við fullnaðarfrágang að utanverðu eru klæðning útveggja, enduruppsetning klæðninga á eldra húsi, uppsetning hurða og frágangur á þaki. Helstu verkþættir við fullnaðarfrágang að innanverðu eru einangrun og rakavarnarlag á útvegg ásamt krossviðarklæðningu og málun.

Helstu magntölur eru:

  • Mótafletir 115 m
  • Steinsteypa 131m3
  • Stálvirki í burðarvirki 19.100 kg
  • Þakflötur 485 m2
  • Klæðning útveggs að utan 182 m2
  • Klæðning útveggs að innan 165 m2

Vettvangsskoðun verður haldin 23. febrúar kl. 13:00 að viðstöddum fulltrúa verkkaupa.

Verkinu skal vera að fullu lokið eigi síðar en 31. ágúst 2018.

Nánari lýsing verkefnis er í útboðsgögnum sem eru aðgengileg á vef Ríkiskaupa http://www.rikiskaup.is 

Útboðsgögn verða aðgengileg á vef Ríkiskaupa www.rikiskaup.is frá og með þriðjudeginum 20. febrúar nk. Tilboðin verða opnuð hjá Ríkiskaupum þriðjudaginn 20. mars 2018 kl. 14:00, að viðstöddum þeim bjóðendum sem þess óska.

Útboðsnúmer: 20677

Fyrirspurnarfrestur: 14.3.2018

Opnun tilboða: 20.3.2018