Þingvellir Hakið - Sýning í gestastofu

Útboð nr. 20464

Ríkiskaup, fyrir hönd Framkvæmdasýslu ríkisins og Þjóðgarðsins á Þingvöllum, óska eftir tilboðum í margmiðlunarverkefni og verkframkvæmd sem felur í sér fullnaðarhönnun, útfærslu, uppsetningu og lokafrágang á samþykktri hugmynd að sýningu í stækkaðri Gestastofu á Hakinu á Þingvöllum. Fyrir liggur samþykkt heildarhugmynd sýningarinnar, markmið, markhópar, efnistök, frásagnarliðir og helstu miðlunarleiðir sem gestir munu upplifa.

Opnun hinnar nýju sýningar er áætluð í maí 2018.

Byggingarframkvæmdir við stækkun Haksins eru hafnar og gert er ráð fyrir að þeim ljúki í mars 2018.
Uppsetning sýningarinnar er því áætluð frá mars til maí 2018.

Nánari lýsingu verksins er að finna í útboðslýsingu og viðaukum hennar sem aðgengileg eru á heimasíðu Ríkiskaupa www.rikiskaup.is .

Opnun tilboða 30. mars 2017 kl. 11.00 hjá Ríkiskaupum.

Útboðsnúmer: 20464

Opnun tilboða: 30.3.2017