Snjóflóðavarnir á Ísafirði - Uppsetning stoðvirkja í Kubba

Framkvæmdasýsla ríkisins, f.h. Ísafjarðarbæjar og Ofanflóðasjóðs, óskar eftir tilboðum í framkvæmdir við uppsetningu stoðvirkja úr stáli (snow bridges), einnig kallaðar stálgrindur eða grindur, til snjóflóðavarna á upptakasvæðum snjóflóða í Bröttuhlíð í Kubba ofan Holtahverfis á Ísafirði.

Verkaupi leggur til efni til verksins, til uppbyggingar á stálgrindum, skv. samningi við efnissala. Áformað er að koma fyrir um 1.890 m af stálgrindum en hæð þeirra mælt þvert á halla fjallshlíðar (Dk) er 3,0 m, 3,5 m og 4,0 m.

Helstu magntölur eru:

  • Stoðvirki (Dk 3,0 m)  1.396  m
  • Stoðvirki (Dk 3,5 m)     434  m
  • Stoðvirki (Dk 4,0 m)       58  m
  • Fótplötur                      657  stk.

 Vettvangsskoðun verður haldin þriðjudaginn 3. maí 2016 kl. 13:00 að viðstöddum fulltrúa verkkaupa.

Verkinu skal vera að fullu lokið eigi síðar en í september 2018.

Nánari upplýsingar er að finna í útboðsgögnum á vef hjá Ríkiskaupum á vefslóðinni http://rikiskaup.is/utbod/utb/20316
Tilboðin verða opnuð hjá Ríkiskaupum þriðjudaginn 24. maí 2016, kl. 14:00 að viðstöddum þeim bjóðendum sem þess óska.

Útboðsnúmer: 20316

Fyrirspurnarfrestur: 17.5.2016

Opnun tilboða: 24.5.2016