11. september

Umhverfisvæn bygging í íslensku samhengi

  • Graenni-byggd-malstofa
    Ljósmynd: Olga Árnadóttir, verkefnastjóri hjá FSR
  • Graen-byggd2_1536670505045
    Guðrún Ingvarsdóttir, forstjóri FSR, á vinnustofunni um umhverfismál í íslenskum byggingariðnaði.
  • Graenni-byggd
    Ljósmynd: Olga Árnadóttir
  • Gb
    Ljósmynd: Olga Árnadóttir
  • Graen-byggd
    Ljósmynd: Olga Árnadóttir

Góð mæting var á vinnustofuna „Hvað er umhverfisvæn bygging í íslensku samhengi“ í síðustu viku sem Grænni byggð, Efla, Mannvit, Verkís og VA Arkitektar stóðu fyrir.

Hátt í 70 manns tóku þátt í vinnustofunni 6. september síðastliðinn, þar á meðal forstjóri FSR ásamt nokkrum starfsmönnum stofnunarinnar, og skapaðist góð þverfræðileg umræða um umhverfismál í íslenskum byggingariðnaði. Nú hafa allir hópstjórar vinnustofunnar mikið af efni til þess að vinna áfram með fyrir samantekt í samstarfi við þátttakendur.

FSR hefur lengi verið aðili að Grænni byggð (áður Vistbyggðarráði) sem er vettvangur bygginga- og skipulagsgeirans á sviði vistvænnar þróunar og starfar að fyrirmynd alþjóðlegu samtakanna Green Building Council. 

Olga Árnadóttir, verkefnastjóri umhverfismála hjá FSR, tók ljósmyndir frá vinnustofunni.