4. september

Framkvæmdum lokið við 3. áfanga í uppsetningu stoðvirkja í N-Fífladölum í Hafnarfjalli á Siglufirði

  • 3. áfangi stoðvirkja
    Ljósmynd: Sigurður Hlöðversson.
  • Stoðvirki á Siglufirði, 3. áfangi
    Ljósmynd: Sigurður Hlöðversson.
  • Stoðvirki á Siglufirði, 3. áfangi
    Ljósmynd: Sigurður Hlöðversson.

Vinna við uppsetningu stoðvirkjanna hófst um miðjan ágúst 2015 og lokaúttekt fór fram 31. ágúst síðastliðinn.

Verkið fól í sér að setja upp stoðvirki úr stáli, (e. snow bridges), einnig kallaðar stálgrindur eða grindur, á upptakasvæðum snjóflóða til snjóflóðavarna í N-Fífladölum ofan byggðar á Siglufirði. Þetta var þriðji áfangi framkvæmda við uppsetningu stoðvirkja á Siglufirði. Um 2.200 m af stoðvirkjum var að ræða í þessum áfanga. Hæð stoðvirkja er frá 3,5–5 m. Framkvæmdir gengu vel og áfallalaust. 

  • Verktaki var Köfunarþjónustan ehf. 
  • Verkkaupi var Fjallabyggð. 
  • Verkið er fjármagnað af ofanflóðasjóði og Fjallabyggð í hlutföllunum 90/10%. 
  • Framkvæmdasýsla ríkisins, FSR, hafði umsjón með verkefninu fyrir hönd verkkaupa á stigi frumathugunar, áætlunargerðar, verklegrar framkvæmdar og skilamats. 
  • Verkefnastjórar hjá FSR voru við frumathugun Guðmundur Pálsson og við verkframkvæmd Sigurður Hlöðversson.