Eftir mánuðum

Í undirbúningi er að innleiða BIM (Building Information Model) á Íslandi og hefur verið komið á fót samstarfi hagsmunaaðila í þeim tilgangi og þar eru meðal annarra Framkvæmdasýsla ríkisins , Reykjavíkurborg - Framkvæmdasvið, Orkuveita Reykjavíkur, Nýsköpunarmiðstöð, Samtök iðnaðarins og Félag sjálfstætt starfandi arkitekta.

Í verklegum framkvæmdum er mikilvægt að nýta vel byggingartæknina og lykilatriði er að nota hagkvæm og örugg steypumót og vinnupalla á verkstað. Háhýsið við Höfðatorg dregur til sín athygli, ekki síst uppsláttur steypumóta af vandaðri gerð. Voru mótin skoðuð nánar og leitað upplýsinga um þau.

Framkvæmdir við snjóflóðavarnir í Ólafsvík eru komnar vel á veg og nú er unnið við stoðvirki í Tvísteinahlíð ofan við byggðina í Ólafsvík. Þann 10. september 2008 flutti þyrla Landhelgisgæslunnar röð stálgrinda af lagersvæði við heilsugæsluna á uppsetningarstað í hlíðinni.

Lokið er framkvæmdum við göngudeild Barna- og unglingageðdeildar Landspítalans (BUGL) við Dalbraut 12 í Reykjavík. Byggingin verður vígð þriðjudaginn 9. september 2008 þegar Guðlaugur Þór Þórðarson heilbrigðisráðherra tekur húsið formlega í notkun og verður opin almenningi til skoðunar miðvikudaginn 10. september klukkan 14 - 16.

Framkvæmdir við byggingu hjúkrunaríbúða við Boðaþing í Kópavogi eru að hefjast. Um er að ræða tvær tveggja hæða álmur við Boðaþing 5 og 7, alls 44 íbúðir með tilheyrandi stoðrýmum og starfsmannarýmum.