Samtök opinberra verkkaupa

Samtök opinberra verkkkaupa - SOV

Þann 1. desember 2006 var haldinn stofnfundur Samtaka opinberra verkkaupa sem verður samstarfsvettvangur opinberra aðila á Íslandi sem stunda kaup á verkum og þjónustu þeim tengdum. Aðild að samtökunum geta átt ríkisstofnanir og sveitarfélög. Stofnaðilar SOV (Samtaka opinberra verkkaupa), Framkvæmdasýslan, Framkvæmdasvið Reykjavíkurborgar, Siglingastofnun og Vegagerðin.

Tilgangur Samtaka opinberra verkkaupa er:

1. Að vera samtök opinberra aðila á Íslandi, sem stunda kaup á verkum og þjónustu þeim tengdum.
2. Að beita sér fyrir aukinni gæðavitund við mannvirkjagerð á Íslandi og innleiðingu gæðastjórnunar við verklegar framkvæmdir.
3. Að leggja áherslu á öryggis- heilbrigðis- og umhverfismál sem tengjast verklegum framkvæmdum.
4. Að vera leiðandi í samræmingu og þróun aðferða og gagna sem tengjast útboðum á verklegum framkvæmdum og þjónustu þeim tengdum.
5. Að taka þátt í innlendu og alþjóðlegu samstarfi er snýr að stöðlun, hagræðingu og þróun í mannvirkjagerð.
6. Að stuðla að ráðstefnum á sviði mannvirkjagerðar sem taka á gæðavitund, öryggi, heilbrigði, umhverfi og samræmingu útboðsgagna í verklegum framkvæmdum.

Fyrstu stjórn samtakanna skipa Óskar Valdimarsson FSR, Guðmundur Pálmi Kristinsson Framkvæmdasviði Reykjavíkurborgar og Rögnvaldur Gunnarsson Vegagerðinni.

Áhersluatriði Samtaka opinberra verkkaupa eru einkum eftirfarandi:

• Kaup á verkum og þjónustu
• Innleiðing gæðastjórnunar
• Öryggis-, heilbrigðis- og umhverfismál
• Þróun aðferða og gagna í útboðum
• Stöðlun, hagræðing og þróun í mannvirkjagerð
• Ráðstefnur á ofangreindum sviðum